MISENUS

MISENUS

Aeoli fil. Hectoris tubicen, in ciendis militum animis praestantissimus. Virg. Aen. l. 9. v. 164.

Misenum Aeoliden, quô non praestantior alter

Aere ciere viros, Martemque accendere cantu.

Quô mortuô secutus est Aeneam in Italiam. Hic cum deos marinos ad tubae certamen provocâsset, a Tritone submersus est: sed postea ab Aenea inventus, ab eo in monte quodam Italiae sepultus est, quideinde Misenus vocari coepit. Erat autem in Campania, non procul a Cumis. Virg. l. 6. Aen. v. 234.

Monte sub aerio, qui nunc Misenus ab illo.

Item urbs in monte excisa, olim Episcopalis a Baiis 2. Puteolis et Cumis 3. mill, pass. in ora, cuius adhuc rudera supersunt. Populi Misenates.